朗朗係典型嘅男仔性格比較活躍好動，而且16個月真係未識講野，我唔想勉強佢。我想反過來為佢揀一間合適佢發展進度有愛心嘅學校。所以我並無谷面試。
我面試左以下呢幾間：
**宏廣國際 – 我好鍾意間學校，好大設施好好，老師都好有禮好 decent. 朗朗指令做到一半. 但朗朗最後因為唔肯收玩具所以肥左佬。
**英藝國際 – 其他分校我唔知，但屯門呢間我可以這樣形容 : “用錢堆砌出來的國際學校”。面試日各老師超 hea，笑容勉強無耐性。朗朗沒有做任何指令，這間是最快 offer 我哋交留位費的。
**救世軍 – 我去過 open day 非常同意教學理念，是我第一心儀學校。不過朗朗都唔夠大B，連面試機會都無。
**新一代 – 朗朗面試當日來嘅時候爺爺帶佢行左好多路所以好累，一去到就大扭。面試直頭要中斷。不過我都唔鍾意呢間學校，感覺過份趨谷。
**SunKids – 呢間係我心儀學校。我好鍾意間學校，好大設施好好，朗朗指令做到一半. 但我不同意學校取向。學校問卷背後的用意非常現實。
**啟思 – 面試日所有接觸的老師都好有愛心。印象良好。朗朗指令做不到一半. 因為佢算大仔所以都offer 我哋交留位費。
**雅麗斯 – 好近我屋企，學校各方面都滿意。朗朗指令做到超過一半, 唯獨朗朗未講野，所以只收後備生。
** 晶晶 – 最後到晶晶。呢間係我心儀學校。唔知係咪天意，面試日晶晶嘅等候 corner 位正在播放音樂，而且旁邊放置樂器。好鍾意音樂嘅朗朗隨即聞歌起舞！我順勢隨手拿起樂器打拍子起舞，其他小朋友聽到拍子音樂即蜂擁而上。我即刻陳姑娘上身帶跳舞變成一條舞龍。校長出來見狀大喜，不斷向我微笑。雖然朗朗當天沒有做任何指令，但係我們最後都得到 offer。
交左三個留位費。但係我想講朗朗由此至終都係咁有性格吾做指令
。。所以先交咁多留位費。The best is yet to come ! 總結：所有會谷或者要靠面試表現的學校都走左寶沒有取錄我朗朗
。要先到先得揀大B果D 朗朗又唔夠大B。 相反對於無條件取錄我朗朗，欣賞本人開心育兒的學校，本人對於這大愛精神于以感謝！
🐸🐸🐸🐸🐸🐸🐸🐸🐸🐸🐸🐸🐸🐸🐸
請注意：這裡是個人育兒相薄册日誌，
並非育兒專欄。沒有任何教學成份。