認識朗朗嘅朋友都知佢鍾意音樂，聞歌會即起舞果隻。所以我特意 search 左 呢個 日本 Yamaha 音樂 playgroup 比朗朗玩。
返第一堂，TomLee 就叫我地係屋企都要播比小朋友聽，咁等佢地上堂會更加有共鳴。於是我就即管試下。
奇蹟出現了！
呀仔而家每次聽 Pupple song 會跳舞，聽 Good night song 會跟著前奏用手好似指揮家咁打拍子。呢 d 都係佢由心而發，我冇教佢的！
🌸🌸
同時地，呀仔而家每次聽 the flower with a red cap 都會喊 😂😂 點解？ 因為呢首歌嘅音樂就咁聽好似哀歌咁，但其實聽埋歌詞當然吾係，首歌係幾 sweet tim, 有機會你可以聽下 😄。
但感情豐富嘅朗朗聽左會傷心喊嫁 😂 都吾知好嬲定好笑😂😂
🍄🍄
咁姐係話 呢隻 TomLee CD 嘅音樂真係打到入小朋友嘅心入面，成功咁刺激到佢地( 至少朗朗係 ) 將感情流露出來！
呢樣就係我帶朗朗參加音樂班想要達到嘅目的！
🌼🌼
至於堂上面學到嘅野，而家返左第四堂，我慢慢感受到 TomLee 課程貴係有佢既道理嘅。首先，呀 sir 自己本身都好 decent, 好有藝術音樂家嘅氣質 ( 所謂氣質嘅野佢又真係同一般 playgroup 老師吾同嘅 )。
🌴🌴
跟住，就真係課程本身。成個流程係透過音樂來帶出故事，大肌肉動作，親子等 。 例如講故事又會有風聲，雷雨聲，快樂鳥聲等配合，令到小朋友聽故事更加投入！又例如用音樂節奏，同小朋友玩大肌肉動作，等佢地玩之餘可以更富節奏感。
☀️☀️
最後唱歌部份都加入親子元素。老師更會即席演奏鋼琴名曲，呢個我都有點意外，每堂都有一首聽，又幾抵聽喎😄😄。
暫時朗朗都上得好開心😄😄
