要好好記錄一下朗朗K3生涯中發生的一件重大事情！我們如何抗疫！
《新年節目23/1》海洋世界。好彩今日吾算多人但我地已經開始帶口罩。
<<武漢肺炎>>
回到家發覺朗朗的新年節目重頭戲沒了。。一年一度的國泰新春花車巡遊不單之前改做國際匯演，現在仲因武漢肺炎取消埋。。。呢隻共8隻嘅寸燒群舞朗朗練習左個幾月，佢真係好認真練習的。。本來仲話有機會參與 古天樂春茗表演活動 😷🤦🏻♀️ 不過當然疫情嚴重，確實唔好去人多嘅地方！！會集體傳染攬炒呀！
<<新年節目25/1>> 2020 新年快樂，出入平安♥️
<26/1> 武漢市長在記招交代 已經有五百萬武漢人 逃離武漢！
28/1 《 我遇見過SARS》死神多次喺我身邊經過，可能我命硬到而家仲未死得去。2003年 SARS 爆發，喺牛頭角淘大花園爆發兼封鎖的前幾晚， 我同兩個同事一男一女剛剛在牛頭角食晚餐。 翌日男同事發燒並遭隔離， 過多幾日牛頭角被傳出集體染上這病毒並且迅速封鎖， 男同事病情迅速惡化亦立即被送入ICU搶救。 結果男同事確診患上SARS！很快我和另一位女同事收到醫院的來電要對我們的身體狀況作出詳細的查詢。 我們如實回答但心裏很難過。。 同枱吃飯估不到其中一人染上了世紀病毒，亦即病毒曾造訪我們的身邊，只是死神沒有選中我。
心裏面唔舒服了一段長時間。。 但我遇見過死神 ，我看見基督，我相信無論香港環境多惡劣，基督也活在我心裡.♥️ 香港人加油 !
口罩已經炸到幾百蚊盒！
29/1 ~ 朗朗仍然有去樓下踢波的！之後就。。。吾係我地吾想出去玩，我超想tim～做老師都係想多D 假陪朗朗。。點之 🤦🏻♀️
<<係屋企發霉 31/1>>油下顏色～估佢吾到又油得有板有眼喎~
人們開始瘋狂搶口罩！一下子，網上出現瘋狂口罩預訂熱潮。。這是我唯一一次嘗試排隊，但失敗了。。
<<2/1>> 朗朗成功自然脫第一隻乳齒!
由22/12 第一次發現朗朗原來已經出咗第一隻大人牙，到今天一個多月竟然成功地自然脫掉了一隻 yeah 🎉🎉
<<發霉系列 2/2>>～繼續board game
生有時 死有時 咁嘅發霉時勢 唯有比你玩多D啦 🐒 由12月到今日一直唔封關，而家先話封其中幾個關。。咁咪又係谷西黎屯門。。。
<<發霉系列 4/2 >> ～ 撈埋林肯生平故事漫畫。
果然，一朝早，一幕幕ZOMBIE衝入黎屯門嘅相片不絕。
這邊廂，瘋狂製作3級停課教學材料/功課🤦🏻♀️
那邊廂，為左口罩，世界都瘋狂了！不停留言。。不停比錢。。不停Cut 單。。又不停退錢。。好Q亂&煩🤦🏻♀️ 究竟呢個係乜世界
5/2: 返學校攞左好多功課返黎做，亦都知道之前報名嘅迪士尼樂園畢業典禮會取消，學校園方面會嘗試延期。。不過當然迪士尼係無退款政策的，萬一 Refund 唔到，1大1小嘅報名費就會取消！
北京，上海等等多個城市也陸續封城！停止往來航班！黃昏開始傳來搶廁紙，不消一晚，網絡傳來 "全城搶廁紙" ！！！連所有衛生用品連衛生巾都搶購一空！
🤬🤬
6/2 係學校Download 定小一嘅中文工作紙諗住比朗朗暑假做，當係適應下～
瘋狂玩找不同專注力遊戲。
I don't want to do anything ..
Sleepless night ...
7/2 諗住試一次喺網上實時搶購 ，不停不停不停refresh 版面 ， 原來係開售後0.5秒就受完喇！ 真係拜拜你條尾啦！
<<9/2 難得落公園舒展下 >>
開始意識到，香港根本唔會有足夠嘅口罩供應比全港市民每人每日一個口罩，於是我 Source了纖維抗菌口罩。以備不時之需！萬一屋企真係冇哂醫療用口罩，吾洗好似冇著衫落街咁 🤣
<10/2>- 玩。玩。都係玩（在家）🎉 Amazon 亞馬遜森林大戰恐龍＋記憶咭遊戲 + 過三關比賽！！！🤖
<11/2> 我還是喜歡吾跟學校，用自己方法教 🐸
<13/2> 今日落樓下惠康買少少野，見到好多貨架仍然是被搶購一空。香港瀰漫著恐懼！
《發霉系列》剪紙勞作 + 香蕉蜜糖芝士牛油西多士
無得出街，唯有在家 Home Salon。
終於，今天教育局再次宣佈延遲復課至3月16日！由2月3日開始，足足停課1個半月！！！！真是史無前例！！！
TO BE CONTINUE .... UNTIL 16 MARCH 2020 !!!
🐸🐸🐸🐸🐸🐸🐸🐸🐸🐸🐸🐸🐸🐸🐸
請注意：這裡是個人育兒相薄册日誌，
並非育兒專欄。沒有任何教學成份。
🐸🐸🐸🐸🐸🐸🐸🐸🐸🐸🐸🐸🐸🐸🐸