今日終於一試傳聞中嘅樹屋森林學園 😍😍 我地入左日營 10-4pm. 玩足一日。
有好多野玩，總括黎講係大人小朋友户外嘅良好親子活動。
其中一個環節係有姐姐扮巫婆🧛🏻♀出場 🤣
經過一日嘅相處，臨走時有一段樹屋裡巫婆的對話。
🧛🏻♀ ： 朗朗是否“特別的兒童？“ 😬
🧛🏻♀ ： 做左評估未😬
其實我已經聽慣別人咁問，聽慣接觸過朗朗嘅幼兒工作者，都講過類似嘅嘢。
《。。。。。。下册100 字對於朗朗自閉症兒徵狀的 comment，之前已寫過很多了。。。。。。》
但我有一些對於 SEN 家長的 ADVICE ( 像這類的 advice 應該是最後一次了! )
🌷 小心選擇星兒的活動， 像這類的日營其實類似大人的 Team building, 講求大小肌，社交和合作。如果小小的星兒能力未夠的話，他可能好多活動也做不到，如果經常做不到，情緒又會出來。
🌷 另外，這類的日營有既定 agenda, 如果跟不上又要繼續下一 part, 星兒會很辛苦的。
🌷 《關於星兒社交的 training》其實我覺得學校，坊間的治療中心對於星兒的 training 流於星兒的本身能力提升。但其實。。星兒也很無奈的，很多痛苦是基於別人不了解他們。
朗朗而家已經4歲，好多時大人已經吾會貼係佢身邊放手由得佢玩一陣。
對於星兒，我地大人成日教佢要點樣表達點樣表達感受。。要點樣處理點樣處理情緒。。如果星兒已經好努力試左一次用咀巴講出感受要輪候。。你咁樣我會吾開心。。但但其實最大問題係，細路仔係真係未識吾會分享的！冇大人係身邊仲衰。吾分享嘅繼續吾分享，搶的繼續搶，推人的繼續推人。。
咁樣其實對於星兒係雙重，什至3重打擊! 因為佢地本身情緒已經冇咁穩定，而且係佢地角度：你地大人又叫我用咀巴講表達，但係都吾得嘅 ! 我講完都係比人繼續搶玩具。。搶完輪到我有反應週圍 d 人又話我吾啱，咁我講黎做乜？你地都吾明白我咁我都係吾講啦，直接推佢仲有效啦！
🌷 於是朗朗係糖果屋又同人打交，又被刺激到面充血。
🌷 之後我同朗朗講：朗朗你而家4歲大個了，媽媽想你明白，就算你努力左用左咀巴表達，其實小朋友係吾會明嫁! 佢地都係會照搶，繼續推，繼續吾分享。。
但我要你知道，只要你有做到用口表達就已經足夠！ 就算對方繼續搶，你吾需要無奈，刺激。因為你一無奈，刺激果時就會尖叫失控。。咁樣媽咪會好心痛的。你記住，好簡單，如果對方小朋友講完仲繼續搶，你揾媽咪。媽咪會同你處理的。如果媽咪吾係身邊，你話比對方媽咪知。對方媽咪都會幫你處理的。如果對方媽咪都吾係到咁你走開吾好同佢鬥! 因為你一無奈，刺激果時就會尖叫失控。。
我覺得表達能力當然重要，但 「 what if 」更重要！
🐸🐸🐸🐸🐸🐸🐸🐸🐸🐸🐸🐸🐸🐸🐸
請注意：這裡是個人育兒相薄册日誌，
並非育兒專欄。沒有任何教學成份。
🐸🐸🐸🐸🐸🐸🐸🐸🐸🐸🐸🐸🐸🐸🐸