朗媽媽日記: 朗朗的快樂童年感官小 Project2 (26/4 ~ 11/6 22節)

承接 project1 嘅精神，我決定繼續實行project2 將親子活動升溫，同朗朗坐吾同交通工具遊山玩水刺激官能。實行三項鐵人競賽😂。🌹朗朗，媽媽希望以後能 keep 住呢個習慣繼續與你體驗式快樂童年遊玩成長🌹。

無論是成長或學習，其實大自然對小朋友真係好重要。對我自己也有得益處。坊間也有一些兒童服務說出了類似我做緊嘅野，亦是我實行這 project 的原因。（當然機構辦再專d，加入少少兒童心理元素, 去4,5個公園就 $6,000 了)

現在朗朗3歲了，開始為朗朗設計了這 22 個主題式五官刺激多元智能體驗式快樂童年小 project (26/4 - 11/6 22節)

26/4 - 觀察進度晶晶觀課日 + 社交建立荃灣廣場 Molly Fantasy + 愉景新城 D Park
30/4 - 韻律支體操練 - 大興體育館柴娃娃跳舞班 + 揸車樂
1/5 - 生態感官大肌肉 - 海洋公園
3/5 - 開心感官刺激玩具展
6/5 - 加強節奏感Music Wonderland
7/5 - 舒展筋骨 - 柴娃娃跳舞班 + 公園運動操
8/5 - 心曠神怡大自然濕地公園
13/5 - 投入節拍Music WonderLand
14/5 - 母親節活動 + 🐸音樂晚會
15/5 - 下雨週 - 冒險樂園 + 公園
17/5 - 同伴建立同遊迪士尼
21/5 - 母親節活動迪士尼 Buffet
23/5 - 感官刺激科學館（新兒童天地）
25/5 - 交通安全 + 木棉感知
28/5 - 同伴建立黃金海岸玩。泥。沙
31/5 - 自由自在海傍跑步
1/6 - 家品週 IKEA 開心波波池
3/6 - 開心親親相聚婆婆
4/6 - 家品週 IKEA 開心波波池(2)
7/6 - 開心記憶迪士尼巡遊。浪漫森林。輕鬆遊戲
9/6 - 百厭星朗朗反轉益力多廠 + KMB 巴士 roadshow
11/6 - 多元刺激大樹先生

26/4 - 觀察進度/社交建立 - 晶晶觀課日 + 荃灣廣場 Molly Fantasy + 愉景新城 D Park

今日朗朗超額完成。上堂觀課我比101分！👍🏻👍🏻 朗朗有參與，有留心，冇搞事，冇扭計。我已經收貨有突。

之後上完柏翹屋企 hea 等放學又上𤋮𤋮屋企用餐 😆 之後再約齊同學仔一齊去荃灣廣場 Molly Fantasy + 愉景新城 D Park 盡興。我揹埋佢個書包校服一大個背包累到癲左。。不過朗朗臨睡前講左5 次佢今日好開心。證明我嘅辛苦確實沒有白費！值得！👍🏻😘🐸

多謝𤋮𤋮邀請我地上佢屋企一齊午餐😄

巨型大巴士，簡直係朗朗恩物。所以要玩足 3次😅

呢度$1/ 1 個coins 仲人人有禮物，又幾抵玩

朗朗專職負責一個洞，十分稱職。

排排坐有計傾😆 朗朗不負所托，拋到兩件禮物返來。

有朋友仔一齊真係吾同d，上次去表姐冒險樂園生日派對，波波池仼玩果d cute 版sir 滑梯朗朗一次都冇玩過，今次呢條咁長但同埋𤋮熙翹翹一齊玩，我諗朗朗應該 sir 左有十幾二十次😆

交通工具：西鐵 + 巴士

門票消費：金幣 + 入場券約 $130

30/4 - 韻律方向動覺 - 大興體育館柴娃娃跳舞班 + 揸車樂

導師説朗朗跳舞十分搞笑，講不停又 Chok 🐸😜。也稱讚他拉筋痛，但也願意去忍去做👍🏻 ，朗朗，媽媽 so proud of you 😄

成個烈火戰車表情 🚗🚗

交通工具：輕鐵

門票消費：跳舞 $500/10堂

1/5 - 生態感官大肌肉 - 海洋公園

早上都在玩遊戲。發覺遊戲治療不知不覺應用在親子生活中；也期盼她的軟性溫柔能為朗朗滋養生命。

按老世需求玩左3次火車，兩次木馬，兩次彈床，一次摩天輪成功做了一個稱職的賓賓。

其實單拖我已習慣亦好 enjoy ，只不過最大缺點係冇乜合照，好辛苦先照得一，兩張莫講話要角度，表情😅

海洋公園尾場的噴泉表演不錯，不過朗朗驚驚 😂

交通工具: 巴士 + 地鐵

門票消費 : 海洋公園年票

3/5 - 感觀刺激 - 玩具展

回到家打開書包看到晶晶的評估報告。與我想法一樣，雖然朗朗仍然有很多進步空間，但他對周圍感官存興奮探索的態度，是我滿足和欣賞的。「Stay hungry. Stay foolish 」朗朗，媽媽會繼續努力實踐快樂童年感官小 project , 與你開心探索引發學習動機。

交通工具：260x 巴士

門票消費：約$20

7/5 - 韻律方向動覺 - 柴娃娃跳舞班 + 公園運動操

導師再次說朗朗跳舞很搞笑 😄 其實我覺得朗朗真係幾搞笑的😂😆

嘗試同朗朗玩少量感統操。

8/5 - 心曠神怡大自然 - 濕地公園

濕地公園有驚喜。

原本諗住帶朗朗睇下雀睇下樹，點知原來濕地公園係咁心曠神怡，尤其紅樹林區，朗朗睇沼澤裡的魚仔睇到不知幾雀躍。雖然冇精彩遊戲和吸引的兒童氣氛，但朗朗心情大好不停唱歌，回到家竟倒哂全個櫃6個櫃桶 d玩具出來玩（原本我想教訓佢，不過我將佢呢種行動解讀為佢太興奮，但由於佢始終太細仲未識自制，於是用玩具嘅數量表達佢興奮的程度，才會有此瘋狂狀態。）

到夜晚10點幾佢突然話要著鞋再去過，佢呢種反應都係第一次！證明佢今日真係好開心！