K2下學期 重點係升小一大Project. 因為我由細到大都冇乜運氣，所以我從來冇諗住靠哂大抽獎博運氣。由朗朗n班開始， 我已經睇曬屯門區內大部分嘅小學（ 因為我冇返工，所以可以周圍去睇學校。）。 我只 focus work on 喺自行階段同埋叩門階段嘅資訊。
引用某教育專家：「不是小朋友活潑好動代表適合活動教學模式。真正的活動教學=project base，係個小朋友能夠主動尋找答案。」所以朗朗可以一試
基於朗朗的能力，性格，態度我們將會圍繞 4個重點開始執行K2 預備P1派位大Project ：
1) 自信心
我覺得做乜野 project 都好，一個人嘅自信心係好緊要嘅 ～ 所以呢個大 Project 嘅第一步係建立自信！
由大概3月開始朗朗剛5歲，我就係生活上加倍著重自信嘅建立。 例如我專登幫朗朗開左個五歲生日會，我會選擇一啲 “主角色“ 嘅生日派對。我唔會選擇一啲 “設施型“嘅派對例如冒險樂園。我想畀朗朗成為生日會主角👑👑🎉🎉。我唔要啲小朋友四散波波池各自各玩 ，我要嘅係小朋友聚在一起將注意力放喺壽星仔上😉。 例如玩狐狸小姐幾多點，壽星仔可以出嚟第一個叫號數 ；又例如麥當勞姐姐會主持叫其他小朋友圍住壽星仔吹生日蛋糕為佢慶祝 🎂🎂 因為主角而產生被重視嘅感覺正正係自信嘅建立 👍🏻👍🏻
生日會派對當日好成功，當日係朗朗生日會主角而吾係“遊戲日“，佢就係主人家！等佢都有主角嘅自信。
迪士尼巡遊表演
另外我都有透過才藝表演 ，尤其是要喺好多人面前嘅才藝表演讓朗朗從中獲取自信。 喺五月份嘅一次 迪士尼巡遊表演 當中， 佢就獲得到一個 非常十分之難忘嘅經驗！ 由排舞 ，練習，到當天嘅化妝，排隊， 後台，出場表演佢都表現出100%嘅全情投入。 當朗朗100%全情投入做一件事，出場表演嘅時候就更加充滿自信。當日佢面對咁多觀眾十分勇敢有自信，果日嘅表演我比足 200分 ！
電子琴比賽
跳舞比賽
2) 操英文
好奇妙，朗朗剛5歲 嘅時候，我之前同佢喺日常生活上講嘅英文係佢潛意識入面突然之間傾巢而出，佢突然之間可以講大量嘅英文（所以家長千其吾好同小朋友講衰野，以為小朋友咁細仔都聽吾明！）。 於是我就順勢同佢操多啲英文。 我主要係用以下呢套淘寶英語工具去幫佢練習認字同埋重組句子。 👉👉 我淘左約 $288
https://item.taobao.com/item.htm?spm=a230r.1.14.20.1f614066J3Wq3R&id=534868167659&ns=1&abbucket=13#detail
另外我根據朗朗對英語嘅掌握同埋能力 ，冇報Phonics 班 。當個個練緊寫字嘅時候，朗朗練緊Oral 同認字， 我地直接報面試班，等佢可以重點練習一下面試嘅技巧。
3) 學習動機法
呢度涉及個人對於心理學同埋教練學 嘅一啲觀點。 我認為 要令到一個人有動力咁去做好一件事係需要有一個好強而有力嘅理由，而唔係只係滿足家長想小朋友去面試嘅慾望！小朋友佢自己都要有動力去做好先至得 ！例如小朋友扭買玩具因為佢有一個好強烈嘅貪玩動機 ；所有嘅嘢做得好唔好都係講動機。於是乎我就利用呢一點喺朗朗嘅動機上面做咗一啲功夫。
呢個獎賞計劃我之前係個人 Facebook 都有分享過，十分推介 👍🏻
4) 獨家製作 Portfolio
有檻於小學階段對兒童嘅學習發展影響係最大嘅！71 區的首3 志願成功率又真係奇低 ! 憑我 20年寫銷售建議書嘅經驗，我認為寫建議書或 Portfolio 都係要針對性嘅！首先我自己要定清楚究竟我嘅心儀小學係邊間？然後先可以針對性。所以係朗朗n 班嘅時候，因為自己吾洗返工，我已經睇過哂同區小學開放日，而我亦總結出自己揀小學嘅 Priority 。
雖然網上面都有好多製作portfolio嘅教學短片或者資料，甚至乎係成份 Portfolio sample。 但係我並沒有一開始就參考呢啲資料 。
之前已經同朗朗進行咗大量嘅感官project ，我對朗朗嘅能力，興趣 同埋特性掌握得比較好。所以我選擇咗一開始就將呢啲資料 總結一次，然後將佢寫落嚟 ，呢啲嘅總結差唔多已經等於profolio 嘅大綱 ，我再加插少少相片 同埋證書 ，再根據 一啲參考嘅資料 執一執 就可以啦 ！我覺得寫 Portfolio 嘅重點係點樣突出自己，表達呢個小朋友嘅亮點而令到學校對你有興趣。而亮點並不是一時三刻可以“想“出來的。
我之前簽發比朗朗嘅 「性格類型評估」亦派用場 😀。基於性格差異，因材施教。學校見到份報告都會多謝你，因為幫助了解小朋友多一點 😁
最後有少少製作portfolio嘅心得分享： 我認為portfolio嘅作用係將小朋友嘅亮點， 日常生活嘅習性 ，同埋個人風格 用最簡單嘅方法表達出嚟～ 所以我建議喺相片選取呢方面應該要選取一啲生活化 ，自然D 嘅相片～ 最好就唔好有太多望鏡頭 v字勝利手勢嘅相片，咁樣望起嚟畀人感覺就會好作狀！
5) 花時間睇、聽學校講座
一波三折登記簡介會：
屯門71 校網筆記 : 小學開放日(鄭任安千禧+路德會呂祥光+保良局志豪小學+東華三院鄧肇堅小學+保良局莊啟程第二小學 etc..)
--------------------------------
🐸🐸 整體來說把握了兒童的6歲黃金治療期，從朗朗1歲半開始採取遊戲治療式的親子關係建立。
🐸🐸 係朗朗2-4歲嘅時候，操練感官系統發展 。讓他從兒童發展的根本建立。
🐸🐸 朗朗3歲被幼稚園 Label。加強建立朗朗的自信心，以至增強抗逆力。
🐸🐸 4-5歲朗朗呈強烈的性蕾期心理反應，一切的教育從此開始。
🐸🐸🐸🐸🐸🐸🐸🐸🐸🐸🐸🐸🐸🐸🐸
請注意：這裡是個人育兒相薄册日誌，
並非育兒專欄。沒有任何教學成份。
🐸🐸🐸🐸🐸🐸🐸🐸🐸🐸🐸🐸🐸🐸🐸