2018年7月9日 星期一

《朗媽媽讀書會4 - 讀寫障礙》

呢本書大概係兩，三年前因為一個學生買的。

 呢本書 remind 左我：其實不淨只是讀寫障礙，而是整體學習引伸出來的問題。很多研究顯示，部分SEN 學生先天後天都會有不只一種特殊需要。例如又讀寫障礙又ADHD。SEN 學生為什麼那麼痛苦，是因為他們的痛苦無人明白，於是又繁衍另外一些問題。患抑鬱症機會也特別高。最惨的是，我們（家長）以為在幫他們，其實他們更痛苦。集中注意力是一個很好的例子。

 本書十分 Layman 易睇，不過略欠練習例子。係時候係電腦揾返千年教大嘅讀寫障礙練習紙出來整理下，有需要再分比學生練習。




















🐸🐸🐸🐸🐸🐸🐸🐸🐸🐸🐸🐸🐸🐸🐸







at

2018年7月7日 星期六

《朗媽媽讀書會 - 教育心理學實用手冊》



呢排執書，將舊書重温記錄。因為她們有機會與我告別。謝謝你們滋養了朗朗。

呢本由教育局出嘅教育心理學書係我兩年前係學校實習果時得到嘅。因為呢本吾係育兒書而係比老師睇嘅書，所以內容既對象並非家長。裡面嘅理論我係用來對我嘅學生而吾係教仔。

但有一頁係講讀書嘅方法我到而家都仲記得，反而我而家讀書都仲有用😅 我覺得呢個讀書方法最小要小學生才適合。或者到朗朗小學時我已吾記得左呢個方法 😅😚

整體來說我覺得如果較像老師型嘅家長可以參考下內容，不過香港人如此忙碌，大部分 parenting 已經要外判，更何況是花時間看育兒什至教育心理學書。








🐸🐸🐸🐸🐸🐸🐸🐸🐸🐸🐸🐸🐸🐸🐸








at

2018年7月5日 星期四

《朗媽媽讀書會－七田真教學》

呢排執書，將舊書重温記錄。因為她們有機會與我告別。謝謝你們滋養了朗朗。

 稍為對育兒有研究嘅父母應該會聽過“七田真“呢個大名。佢係世界智慧財產，佢嘅七田式教育已推行至歐美。

 我最喜歡佢嘅「腦神經系統」風格。佢嘅理論全部都具科研支持。的確，要真正「激發」兒童智能真的要靠腦神經理論，不是靠網上未經證實的方法。

 不過，七田真式的教育方法十分細緻，而且他十分強調0-3歲的教養，注重5感和創造力的發展(朗朗的感官Project也是這樣來的)。由於內容十分詳細有些父母可能會睇到悶。另外，考慮到日本嘅教養氛圍比香港重得多，如果父母在香港跟足理論實踐，應該會比人話係「怪獸父母」。




















🐸🐸🐸🐸🐸🐸🐸🐸🐸🐸🐸🐸🐸🐸🐸






at

2018年7月4日 星期三

《朗媽媽讀書會－不吼不罵好媽媽》

呢排執書，將舊書重温記錄。因為她們有機會與我告別。謝謝你們滋養了朗朗。

 呢本書係我2013第一本買嘅育兒書，因為我當時已經知道教仔同教女係完全不同！呢本書最大嘅優點係「一d 都吾 technical」。經過我幾年嘅觀察，我發覺香港人其實對心理學一點也不感興趣(直至他們自身情緒/小朋友/家庭出現問題)。所以基本上呢本書用嘅係 layman terms. 令一般人睇得舒服。

 講返內容，我好欣賞佢嘅 Chapter 3, 同 Chapter 5. 論點我係認同嘅，背後其實亦係經過心理學臨床印證。實用率十分高。是我每天都會遇到的情景。唯一缺點是只點出答案重點，沒有詳細例出介入手法過程。因為今時今日好多道理其實父母統統都知道！只是不懂怎樣介入。








🐸🐸🐸🐸🐸🐸🐸🐸🐸🐸🐸🐸🐸🐸🐸







at
訂閱： 意見 (Atom)