呀仔是獨一無二的孩子，加上之前經歷過晶晶幼稚園對呀仔嘅歧視，所以我更加要認真地為他選擇合適「能配合他」的學校。反正我呢排太得閒，所以今年k1已經去參觀開放日。
我問過自己想要d咩學校，但其實係呀仔🐸適合咩學校。
之前自家設計做過咁多輪嘅「 感官多元智能體驗式活動」，吾多吾少知道呀仔嘅性格興趣能力所在。🎨🎼🌊🏌🏻🏆🚗
睇open day 前設係我有自己嘅主觀印象，我對基督教學校/ 慈善機構學校 / 活動教學資源豐富 比較有好感。治於 什麼 順徳聯誼會 / 道教/ 商會 / 出名好谷嘅學校都冇好感。
所以今年會主力睇兩間「聽聞」校舍大資源豐富嘅千禧同志豪小學。
<<鄭任安千禧小學>>
LIKE :
🌷 校舍好大，資源豐富多元化。能刺激學生學習。
🌷 有電腦室，閱讀室，視覺藝術室，實驗室，圖書館等多元設備。
🌷 活動教學，每單元有一個小組活動。
🌷 學校理念：信任。家庭關係。「學做好人，後讀好書」
DISLIKE :
🍁 地點掃管笏徧遠。學校附近地基不絶。
🍁 開放日專車接送，校長教職員列隊歡迎，6個精英學生表演個個家長拍難手掌。略嫌誇張。
🍁 要111。
🍁 屯門71區熱門學校。學額大概140。首輪70。大抽獎乙部63。自行階段：世龔超額。
<<路德會呂祥光小學>>
LIKE :
🌷 校舍好大，推行多元智能，語文能力。設有國際交流中心、微電影製作室、電影院等。
🌷 注重英語培育，一年有幾隊外籍宣教隊到學校同學生分享聖經故事及一齊拍微電影。且推行拔尖策略。
🌷 推動國際化。每年安排一些學生前往澳洲小學上堂住homestay，參與活動認識當地的歷史文化。
🌷 聯繫呂祥光中學。
🍁 參觀日很多大陸人。講座進行時很嘈雜，參觀嘅家長相對比較不斯文。
🍁 拔尖有機會標籤學生能力。
🍁 校長談吐很師奶；在場老師質素較低。
<<保良局志豪小學>>
LIKE :
🌷 著重以人為本，自主學習動機，按自己特質改善學習。 注重徳育培養，體驗義工。
🌷 豐富學習經歷，預課，課堂批判性思維，課後跟進。校長老師談吐得體清晰質素高。
🌷 每天最後一堂做功課，返到屋企吾洗咁多功課。每天平均返屋企有5樣功課，隔星期默書。
🌷 自行階段：世龔必收但自行只佔30%; 其餘學額在抽獎補回。確保自行有人有得玩。
🌷 體驗日派發證書，感覺叩門有分加。
2018
DISLIKE :
🍁 要 111 叩門 按小朋友面試表現
🍁 世襲必收, 基本上首輪機會微
🍁 地點徧遠，寶田邨治安複雜。
🍁 學校要求高，
<<東華三院鄧肇堅小學>>
LIKE :
🌷 今次我係真親眼見到學校認真推行電子學習，推動自主興趣學習。購買了很多程式，工具。
🌷 所有校長副校長在場老師有體面有質素，表達能力比呂小高。
🌷 著重 STREM, Research 每個學生學習編程。感覺真正活動教學激發創意思維。
🌷 很多出外比賽機會，段練學生表達，組織能力，運算能力 Computing Thinking.
DISLIKE:
🍁 有一定數量誇境學生，但參觀家長不是太嘈雜喧囂。
🍁 主推STREM. 學術較落後。
🍁 升中沒有聯系學校
<<保良局莊啟程第二小學>>
LIKE :
🌷 校長大方得體演說清晰明確。感覺校長營運學校有方。「愉快學習，刻苦段練」
🌷 學校硬件弱但以軟件為驕傲。數據表現輝煌。
🌷 校風純樸
🌷 分班根據強弱能力定人數
DISLIKE:
🍁 校舍細，將遷校
🍁 操學術體藝，多功課
🍁 學校老師資深對學生嚴教
🍁 按學業成績分班
🐸🐸🐸🐸🐸🐸🐸🐸🐸🐸🐸🐸🐸🐸🐸
請注意：這裡是個人育兒相薄册日誌，
並非育兒專欄。沒有任何教學成份。
