現在朗朗3歲了，開始為朗朗設計了這 18 個主題式五官刺激多元智能體驗式快樂童年小 project (11/2 ~ 23/4 18 節)
晶晶的運動會辦得吾錯。以一個 n 班小朋友來說給他們一起玩，真正體驗運動的勝出，過程和遊戲規則是很好的體驗。
我開心與朗朗經歷左一次沮喪的情緒。我希望以後朗朗遭遇沮喪的情緒也可以懂得表達。
交通工具 : 西鐵
交通工具: 巴士
門票消費 : 85折年票
- 11/2 - 刺激觀感智能 - 科學館 + 歷史博物館
- 18/2 - 大自然大小肌肉 - 錦田鄉村俱樂部 摘🍓
- 25/2 - 創造力科幻視覺空間 - 太空館
- 28/2 - 韻律動覺 - 大興體育館柴娃娃跳舞班
- 3/3 - 同場加映大肌肉冒險樂園表姐生日派對
- 10/3 - 社交禮儀關係 - 跟媽媽與舊朋友 gathering
- 12/3 - 體育精神遊戲規則認知 - 運動會 + 生日會
- 18/3 - 文化特色活動 - 錦上路紅磚屋跳蚤市場
- 22/3 - 朗朗迪士尼生日慶祝活動
- 24/3 - 社交關係建立 - 自家晶晶同學小小生日會
- 25/3 - 社交。輪侯。同樂 。音樂 - 晶晶遊戲日 + TomLee Music WonderLand
- 1/4 - 同理心幫助別人 - 親子賣𣄃日
- 2/4 - 韻律動覺 - 大興體育館柴娃娃跳舞班
- 8/4 - 同場加映開心玩樂培培生日會
- 9/4 - 身心舒暢大小肌肉運動 - 屯門海濱長廊跑步 + 搖控車
- 14/4 - 生態感觀 - 親子海洋公園一日遊
- 18-19/4 - 離島風情 - 親子南丫島宿營
- 23/4 - 清明掃墓 - 朗朗第一次探公公
11/2 - 刺激觀感智能 - 科學館 + 歷史博物館
科學館本身已經是非常大量的感統刺激，所以只需 在旁少少 facilitation 就可以。
整體觀察，朗朗對光，引力，視覺空間最受吸引。
整體觀察，朗朗對光，引力，視覺空間最受吸引。
交通工具 : 巴士
科學館網址: http://hk.science.museum/
消費：年咭
18/2 - 大自然小肌肉 - 錦田鄉村俱樂部摘 🍓
兩個星期之內去兩次錦田鄉村俱樂部，原因真係好容易去，我自己又鐘意個跳蚤市場 😄。吾排除今年會再去第3,4次😄。今日天氣勁好，🍓🍓 好大粒，朗朗今次跑跑跳跳自己揀自己剪🍓🍓 大小肌肉都好有成功感😄
交通工具 : 西鐵 + 小巴
門票消費: $60 🍓🍓
25/2 - 創造力科幻視覺空間 - 太空館
既然朗朗視覺空間感幾強，我特別安排了太空館這一環節。我記得考 MMTIC®兒童評估嘅時候，一再強調我們的性格傾向是與生俱來的，很可惜為了迎合社會罐頭式需要，我們都忽略了小朋友獨特嘅個性資產。
今日我地去左天象廳睇奇幻冰極，朗朗好明顯對天幕影院非常新鮮吸引。👍🏻👍🏻 佢全程眼仔錄錄，非常留心觀察播放內容和天幕效果。一個3歲小朋友能夠專注40分鐘完全吾週身郁真係非常難得的!!
原本想坐渡海小輪，不過今天太凍太大風取消了行程。
------
交通工具: 巴士
門票消費: $48
28/2 - 韻律動覺 - 大興體育館柴娃娃跳舞班
朗朗一向好鍾意跟隨音韻舞動 😄 跟隨音韻舞動能增加釋放令人快樂的安多芬😄 朗朗每次上完呢個興趣班都係笑住話：開心，下次再玩的。
我認為「真正」的興趣班，是沒有證書，不用趕進度，以小朋友興趣為本。
交通工具：輕鐵
門票消費：$500/10堂
3/3 - 同場加映冒險樂園表姐生日派對
呢日機動遊戲和波波池任玩，絶對係大肌肉遊玩大解放！
交通工具 : 巴士
門票消費: $0
門票消費: $0
10/3 - 社交關係 - 與媽媽舊朋友 gathering
今日帶朗朗去沙田見見 Grand Hyatt 舊朋友們。因為朋友屋企有好多玩具，朗朗自娛得黎又自動自覺食哂晚餐。讓媽媽可以聚下舊都算十分合作。看來朗朗己經有經驗跟媽媽出去 gathering 🤗
交通工具 : 巴士
12/3 - 體育精神遊戲規則認知 - 運動會 + 生日會
晶晶的運動會辦得吾錯。以一個 n 班小朋友來說給他們一起玩，真正體驗運動的勝出，過程和遊戲規則是很好的體驗。
我開心與朗朗經歷左一次沮喪的情緒。我希望以後朗朗遭遇沮喪的情緒也可以懂得表達。
交通工具: 巴士 + 地鐵
生日會門票消費: $184
生日會門票消費: $184
18/3 - 文化特色活動 - 錦上路紅磚屋跳蚤市場
朗朗對於跳蚤市場內的特色氣氛並不大興趣，反而他對週邊的古式村屋很感興趣！不停説屋企屋企。大概是他覺得這些屋企很特別😂😂 我們穿插在小巷裡他都很新鮮週圍望。
交通工具 : 西鐵
門票消費 : $0
22/3 - 朗朗迪士尼生日慶祝活動
今日沒有玩很久，原因下課後返左去健康院檢查，朗朗再次不合格，姑娘大為緊張一連串即時約左醫生比朗朗見😅😅。( 一般嬰兒到一歲半便不需要定期返健康院檢查直到四歲檢查視力。朗朗因為特殊原因到三歲都未合格過 ）
朗朗暫時都未玩悶 Disney, 呢d迎新禮品就當係生日禮物啦🤣👍🏻
交通工具: 巴士
門票消費 : 85折年票
24/3 - 社交關係建立 - 同學小小生日會
今日邀請左幾個好同學仔上來屋企同朗朗慶祝生日😆😘 朗朗好開心呀！多謝你地嘅祝福，禮物和勁大水果 ^_^^_^^_^ 朗朗好明顯因為有朋友上來探佢同佢玩表現得非常開心！夜晚發夢都叫住同學仔的名字😂正一儍🐽
25/3 - 社交。輪侯。同樂。音樂 - 晶晶遊戲日
像這類型攤位遊戲式的遊戲對於朗朗來說是一個大挑戰。
朗朗不嬲都坐吾定，要佢排咁長龍認真是超高技巧。
最辛苦嘅係，有佢好鍾意玩嘅波波池。。但又只可以玩1,2分鐘。。佢立即亞氏保加發作。。邊個阻止佢邊個死！
搞左一大輪，朗朗向校長道歉過後，自願地向波波池說 bye bye.
門票消費：$0
音樂式的大小肌肉遊玩令朗朗能夠專注。
☘️☘️☘️
收穫最多的，還是來自日本和英美的作者。朗朗今日係326 祝你生日快樂。媽媽會一輩子努力學習與你同行。永遠愛你 🎂🐸🎊☘️
☘️☘️☘️
1/4 - 同理心幫助別人 - 親子賣𣄃日
我同朗朗講賣旗d 錢係用來幫人嘅。佢話知道。
我話有好多小朋友冇玩具玩，我地要去賣旗幫助別人，同人分享。（雖然今次救世軍主題係幫助老人家🤣). 朗朗回到家一路玩玩具，一路說賣旗，又話要幫助別人。體驗式的遊玩，就是這樣滲透入小朋友的意識形態。
今日有好多公公婆婆姨姨叔叔嬸嬸幫我地買旗呀！🌹
有一個男人對我說：行開啦你！
又有一個男人對我說：辛苦哂你！
又有很多人請我們「食檸檬」
朗朗全部都看在眼裡。我跟朗朗說：不要緊的，總會有人幫我們買的！
2/4 - 韻律動覺 - 大興體育館柴娃娃跳舞班
朗朗的節奏感越來越強烈，大概是因為他享受跳舞吧！😄
交通工具: 輕鐵
8/4 - 同場加映開心玩樂培培生日會
最近我發覺朗朗真係大個仔受教了。今天在生日會，朗朗竟然主動照顧細bb, 把揸緊嘅車🚗主動讓比小bb 説：比bb 玩！係佢落車讓坐途中有一個女孩子看中位置準備坐下來，朗朗竟然看守住車門一手拒絕了小女孩進入，彰顯正義然後比 bb 玩 （好 man 呀 ！😍😂 )
看來朗朗嘅社交認知慢慢開始建立起來了👍🏻
交通工具: 巴士
9/4 - 身心舒暢大小肌肉運動 - 海濱長廊跑步 + 搖控車
同朗朗已經去過好多次海濱長廊跑步， so far 佢都仍然好享受，充滿刺激元素。朗朗鍾意跑步，睇雀仔，望船，空曠地方四圍探索。再加上有得玩搖控車，真係一次過滿足哂幾個願望😄
夜晚同朗朗玩釣魚樂透了。
交通工具: 輕鐵
14/4 - 生態感觀 - 親子海洋公園一日遊
朗朗一向都鍾意睇 fish , 不過原來海洋公園已經冇左當年果個大魚缸，我覺得睇得冇咁過癮。朗朗坐 cable car 又緊張又刺激 不停同隔離車揮手打招呼，做左友誼小天使 😄😘
交通工具: 巴士 + 地鐵
門票消費 : 海洋公園年票
18-19/4 - 離島風情 - 親子南丫島宿營遊
媽媽冇車冇姐姐，但🐸媽媽有心有力。
We are ready ! 帶🐸🐸 去南丫島走走！
終於坐到渡海小輪。朗朗不停叫 開船啦開船啦 超級興奮。
朗朗係海灘玩到吾捨得走。
朗朗玩到黃昏吾捨得走，一路拖住我走向深水話咁樣係水度行好舒服好舒服喎，呢隻貪玩🐽 媽咪見到你開心又點會捨得走呢😘
正值天后誕，南丫島十分有氣氛。
返到屋企朗朗仲十分興奮，需然好辛苦但心裏覺得點辛苦都係值得 👍🏻👍🏻
交通工具: 巴士 + 渡海小輪
23/4 - 清明掃墓 - 帶朗朗見公公
尊重靈灰閣沒有胡亂拍照。朗朗第一次探公公。因為吾係成日叫公公所以叫得好生硬。朗朗係爸爸唯一未見過嘅孫，希望朗朗下次懂得叫公公 🌹
🌹朗朗，媽媽希望以後能 keep 住呢個 momentum 繼續與你快樂遊玩成長。🌹
🐸🐸🐸🐸🐸🐸🐸🐸🐸🐸🐸🐸🐸🐸🐸
請注意：這裡是個人育兒相薄册日誌，
並非育兒專欄。沒有任何教學成份。
🐸🐸🐸🐸🐸🐸🐸🐸🐸🐸🐸🐸🐸🐸🐸