朗媽媽日記

往矽谷的路上意外遇到的仙境. A heaven when I heading to Silicon Valley.

2017年1月18日星期三

塵埃落定K1 - 面試 review + 回顧晶晶

🌈 收我仔嘅學校就係好學校啦！

因應返朗朗嘅進度同需要，我並沒有很「勤力」週圍報學校，只為朗朗報左兩間 k1. 兩間都是區內較有名氣的政府津貼學校。

🎨🎨

雖然兩間都沒有收錄朗朗，主要原因都係因為朗朗未講野（面試時朗朗一句説話都沒有成功説出來包括自己叫咩名）。呢樣真係輸蝕左少少嘅，不過我明白呢個遊戲規則所以我並沒有很大期望 / 失望。（ but again 我明白吾代表我認同香港教育制度！香港人唯有自求多福啦！）係我眼中佢對比起上年 n 班面試已經進步很多。🏅學校不取錄你但我一d都吾覺得羞愧有壓力，相反我會寫在 blog, Facebook ，同朋友傾當生活逸事，無論你是什麼模樣媽媽都一樣愛你🌹以你自豪！

🥁🥁

👑👑

最近填左晶晶嘅評分問卷，都想記錄一下 so far n 班嘅 review :

Dislike :

晶晶嘅舊校可說是又舊又細。所以擴充左係對面嘅金邦商場有間新校。新校本身 ok, 但始終金邦都係舊，有d焗，而且商場幼稚園都係室內冇咁開揚。

設施尚可。但見過出面一些又大又新的幼稚園，遊玩設施真的十分充足可以說是小型遊樂區又有多元智能玩具，果d家長見到真的很吸引。

💐💐

Like :

老師雖然一d d 都 young , 不過相處落佢地都算幾好交帶。可能因為是小班教學真係吾同d，人少少，老師對每個小朋友都掌握得好d ! 而且 so far 都未聽到同班同學有手足口，病毒感染呀咁。。
🌲🌲

課程習作我係幾滿意嘅，量洽當；內容充實是真正的 happy school.

朗朗初期比較難搞少少，班主任都有專登打電話來同我討論對朗朗嘅教學方針，之後一直都有跟進，大家實行「學校家庭」教育互相配合。例如朗朗嘅教學目標可以有微調嘅空間。班主任有「聆聽」我嘅需要，願意「暫時閣置」一些我認為較不重要的教學內容，配合我的「密集訓練」內容，朗朗後期先至進步神速👍🏻👍🏻

呢d 都係小班教學先至能做到嘅效果！

聽聞上k1 後課程會較深，深淺都不是最重要，反而是「處理教學嘅態度」。如果跟據上述嘅經驗，我相信晶晶都不會是死谷死做功課的。
期待星期五嘅晶晶聯校年宵攤位活動😄

🐸🐸🐸🐸🐸🐸🐸🐸🐸🐸🐸🐸🐸🐸🐸

請注意：這裡是個人育兒相薄册日誌，

並非育兒專欄。沒有任何教學成份。

🐸🐸🐸🐸🐸🐸🐸🐸🐸🐸🐸🐸🐸🐸🐸

往矽谷的路上意外遇到的仙境. A heaven when I heading to Silicon Valley.

2017年1月14日星期六

👦🏻小一派位攻略［好笑+實用版］！

非常有趣容易明白的小一統一派位解釋！！

《好好笑的小一統一派位舉例，簡單又易明》

.
舉個例；如你甲一填劉德華，甲二填余文樂，甲三填蕭正楠；乙部一、二、三也一樣。程序會先抽甲一，若唔中劉華，就會抽甲二，若你抽中余文樂，恭喜你，甲三、乙一、乙二、乙三都不會再抽了，你會得到余文樂。因此，如你很喜歡劉華，你應在甲一填劉德華，甲二和甲三留空，乙一再填劉德華，乙二填余文樂，乙三填蕭正楠，咁你就可以maximize抽中劉華的機會了。
.
或者我再舉一例。全球任何明星都有粉絲會，而我們只可加入其中一個粉絲會做會員，我們要先知道幾個遊戲規則：
.
第一，每個會有50%可供統一派位；
.
第二，當中5%是甲部(全世界可跨區抽)，和45%是乙部(只供同區抽)，所以乙部名額是甲部的9倍；
.
第三，抽獎順序是甲1>甲2>甲3>乙1>乙2>乙3>乙4……>乙30；
.
第四，抽獎跟以上順序，一抽中就停，假如你甲2抽中，甲3至乙30都唔會再抽
.
第五，甲部雖可填任何區，但如別區冇明星你鍾意，也可填本區。
.
而家解釋範例：
.
我鍾意Tom Cruise>劉德華>福山雅治>松本潤>梁朝偉>余文樂>蕭正楠，我會填：
.
甲1(Tom Cruise)甲2(劉德華)甲3(留空)
乙1(劉德華)乙2(余文樂)乙3(蕭正楠)﹒﹒﹒﹒乙29(麥長青)乙30(艾威)
.
問題1：我點解甲3留空？做乜唔填福山雅治？
答：因我愛劉德華>福山雅治，如我在甲3抽中福山雅治，咁我咪等於放棄乙1抽劉德華個45%Quota? 所以我情願甲3留空，都要抽劉華。
.
問題2：點解乙2唔填梁朝偉？而填余文樂？
答：因為梁朝偉與劉華是同level大熱，乙一必然45%全被抽光，乙二仲抽是呃自己，只會浪費機會，所以我填次一皮的余文樂
.
問題3：做乜要填滿乙部三十個？冇心水可否留空？
答：唔應該，因甲部留空，電腦會Skip，但乙部留空，電腦會亂抽，所要乙部要盡填，起碼填d唔討厭的，否則，可能會派阮兆祥俾你。
.
轉載自 Baby press room
————

再舉多另外一個例子:

.

俗稱「大抽獎」的小一統一派位結果6月4日公布，今年只有69%學生成功獲派首三個志願，正所謂有人歡喜有人愁，在統一派位機制下，有家長可能會疑惑為何擁有10項全能的子女，都未必可以入到心儀學校？TOPick拆解這個派位機制：

1. 統一派位分甲乙部分

「統一派位」表格分甲部（不受校網限制的學校選擇）、乙部（住址所屬學校網的學校選擇）。甲部，家長可填寫不多於3所不受校網限制的小學，每間學校留給甲部的學額佔總額5%。乙部分的選校則可填寫不多於30個選校志願，每間學校留給乙部的學額佔總額45%，是小一派位的「重點戰場」。

2. 派位成功與否靠運氣

TOPick 假設了5個參加派位的小朋友，分別是明仔、小強、莉莉、豆豆和文文，均屬於41校網。其中文文就讀名牌幼稚園，十八般式武藝樣樣皆精，擅長朗誦、彈琴、芭蕾舞和游泳，究竟文文的勝算會否最高？
.
事實上，當家長遞交小一派位志願表後，不論其子女就讀那間幼稚園或成績，全部小朋友都會「變」成一個號碼，即電腦會隨機分配一個號碼給每個小朋友，號碼會直接決定小朋友的派位順序，A>B>C>D>E。
換言之，假如以上5個小朋友乙部第一志願的選校相同，電腦會按照順序將該校的學額派給A、B、C、D，E。文文隨機獲分配的編號為E，即其派位次序在5名小朋友中排最後。

3. 文文為何會失落拔萃小學？

小朋友獲電腦隨機派發編號後，電腦會根據每間學校的學額去分配學位，TOPick 假設5名小朋友首3個志願，以及5間學校的學額，其中明仔（編號：A）、小強（編號：B）、豆豆（編號：D）、文文（編號：E）的第一志願均為拔萃小學（學校代碼：1001）。
.

.

明仔（編號：A）、小強（編號：B）的派位次序排最前面，順利獲派拔萃小學。雖然豆豆（編號：D）、文文（編號：E）亦以拔萃小學為第一志願，但因拔萃小學的學額只有兩個，電腦會自動安排她們進入第二志願派位。

豆豆（編號：D）的第二志願是基華小學（1002），因明仔（A）、小強（B）、莉莉（C）已成功獲派第一志願，豆豆在第二志願的排位最前，她順利獲派基華小學。

至於文文，由於她非拔萃小學不讀，只填寫第一個志願，電腦會處理完所有小朋友的派位程序後，再隨機將她分派到本區或跨區仍有剩餘學額的小學。

4. 家長填表策略也是決定性因素

小一派位雖以運氣行先，家長填表策略也是決定性因素。家長填表前，應先了解心儀小學的派位學額及往年的熱門程度，安排好首三個志願的安排。

熱門學校只選一間
每個校網總有幾間小學備受家長追捧，家長宜在眾熱門小學中選擇其中一間，作為乙部分的第一志願。必須留意的是，家長切忌將3間熱門學校全部放入首三個志願，熱門學校學額通常在第一志願已經派發完畢，家長變相放棄了第二、第三志願的派位機率，做法不可取。
最好填滿所有志願
有些家長只鍾情於某間或某幾間小學，只填寫第一志願或首三個志願。如此填表風險太高，假如首三個志願均派位失敗，電腦會待處理完所有學生的派位程序後，才會將仍有剩餘學額的學校編配給該名學生。
甲部志願可選擇性留空

由於甲部可以選擇校網外3間學校，假如家長對其他校網沒有心水之選，可在甲部第一志願填寫校網內的心儀小學，甲部第二志願及第三志願則選擇性留空，以免影響乙部分的派位機率。

2017年1月8日星期日

朗朗第一張N成績表- 從分離焦慮到乖孩子獎🎁

朗朗細細個已經係徧執性格，只鐘意玩車，車一定要排序，亂左一架會大發雷霆。

而且超吾鐘意收玩具。( 呢樣其實困擾左我好耐。。去到邊，咩 party, 咩會所，咩場合，佢未玩完要收玩具要走嘅話，佢都會尖叫大喊瞓地下大發雷霆。。) 嚇死人。當然呢點亦係佢「面試殺手之一」。

試過係餐廳鐘意個波玩到吾放，一攞走即發癲。。😬

吾怕話比你知，我試過兩次因為咁被餐廳禮貌邀請離去嫁啦😔

因為真係扭得太癲。。

又試過係表姐屋企，因為我落街買少少野，返到來原來佢已經嘔左3次。。。係喊到嘔呀😢 因為我吾係到囉。。佢嘅嚴重分離焦慮症發作，所以發癲仲嚇親表姐😅😅 ，嘔成咁唯有要換表姐d 衫。

於是我的起心肝，每日同朗朗去會所密集式訓練。

又比佢參加學前適應 playgroup。開頭佢吾上堂嫁。。發癲力大無窮係班房逃走左出黎，自己行去 lift 要走。。

當然亦都有係班房大嘔。。仲嘔到係勁。大。pat！大pat 到上堂要立即中止。所有人要出哂黎清潔。。😅我都吾好意思之餘亦心痛呀仔喊到咁辛苦。。😢

朗朗最開心就係放學打開門見到我。😔😅

不過我地冇放棄過密集式訓練。

開學之後個令星期朗朗已經完全冇喊 👏🏻👏🏻

係學校嘅表現仲大有進步。脾氣少左，坐定左，亦都積極投入上堂。仲會幫老師手，有同學仔喊又會去安慰別人 tim 😂😂

老師比左個乖孩子奬比朗朗😄 果刻真係幾感動😭😭

當然朗朗仲係有很多進步空間，

例如講野都係落後左。

不過吾緊要，我同朗朗都吾會咁容易氣餒！

別人可能只看到他的弱處，

但我知道他已經好叻仔進步良多！💪🏻

呢個世界有很多張「成績表」

但其實最重要果張「成績表」係同自己比嫁！🏆

🐸🐸🐸🐸🐸🐸🐸🐸🐸🐸🐸🐸🐸🐸🐸

請注意：這裡是個人育兒相薄册日誌，

並非育兒專欄。沒有任何教學成份。

🐸🐸🐸🐸🐸🐸🐸🐸🐸🐸🐸🐸🐸🐸🐸

往矽谷的路上意外遇到的仙境. A heaven when I heading to Silicon Valley.

2017年1月7日星期六

天氣好☀️跑碼頭 + 朗朗第一次TomLee 彈琴

每次同朗朗去跑步，佢又可以放下電，我亦可以郁動下。☀️🐸🐸

不過其實都追得幾辛苦😂😂

不過今次吾同嘅係，自從我教識左佢睇雀雀，佢而家去到邊都識自娛睇雀，追雀😂🐦🐦

TomLee 嘅紅蘋果班下學期已經去到第7堂所以 Tony sir 比我地體驗一下 Music wonderland 嘅教學環境。

同朗朗上呢個精靈紅蘋果 playgroup 係沒有學習自理能力，學習聽指令嘅作用，（所以基本上對 k1 面試係沒有幫助的！）。咁點解我要繼續上 TomLee？

可以參考我之前對 TomLee精靈紅蘋果嘅 review : 👉🏻咁細個上 Playgroup 係咪真係有用？

Music Wonderland 體驗之初待續。。

之後仲同婆婆食晚飯散步，非常充實的一天！👉🏻👉🏻💪🏻💪🏻

🐸🐸🐸🐸🐸🐸🐸🐸🐸🐸🐸🐸🐸🐸🐸

請注意：這裡是個人育兒相薄册日誌，

並非育兒專欄。沒有任何教學成份。

🐸🐸🐸🐸🐸🐸🐸🐸🐸🐸🐸🐸🐸🐸🐸

往矽谷的路上意外遇到的仙境. A heaven when I heading to Silicon Valley.