係80年代初，由於本人家住砵蘭街，旺角道一帶，正是傳聞中龍蛇混雜，黃色事業最蓬勃之地。由細到大那些技女，馬伕，江湖社團人士，警察都在我附近。那些江湖人士係咩款？就係同呢幾日我地係電視上見到旺角反佔中打人果班人一樣款。
90年代我開始讀中學，果時流連得最多嘅係女人街，西洋菜街一帶。滿載著童年回憶嘅有西洋菜街風頭躉 Cyber city機鋪,麥當勞; 樓下KFC; 西洋菜街轉彎位多人到爆嘅樓上 Pizza hut; 仲有上海街嘅大茶壺，涼茶鋪，押鋪，荗昌眼鏡，觀奇洋服，你還記得嗎？ ... 那年代未有自由行，旺角商店百花齋放。
2003年自由行開始，以上商鋪全軍覆沒了。佢地去哂边？咪就係比我地親愛嘅國內同胞最喜愛嘅百老滙，周大福周生生，莎莎卓悦取代。究竟一個旺角有幾多間金鋪，電器鋪，藥房和化妝鋪？敘脚点沒有了，回憶消散了。。
重點係，每一日放工回家途經上述百老滙，周大福周生生，莎莎卓悦門口，果Ｄ自由行一箱一箱一喼一喼嘅戰利品堆滿行人路堵塞通道！ 佢地仲要一大班人坐哂係門口一边吐痰一边抱起小朋友周圍大小便！ 果Ｄ手推車仔係咁逼嘅女人街西洋菜街係咁推係咁剷，吾剷到人地腳踝都吾會停下來！試問咁樣算吾算擾民呢？係边個堵塞道路在先呢？開始嘅時候我地的確被自由行嘅熱$打動了，所以我地忍。後來堵塞情況太嚴重，政府直頭封左行車線吾比車行西洋菜街。 其實佔據旺角一早已經發生左。每次去親廣華醫院，都見Ｄ双非孕婦佔據港婦床位，隨之而來係佔據各大奶粉貨源，佔據幼稚園學位。。搞到連住係旺角嘅居民自己都買吾到奶粉。
其實係边個佔據边個呢？
